因為有個馬來西亞的sales manager Amos生日...所以大家攪到了個神秘的birthday party@ CEO neway...雖然下午請假, 但也出席與同事們聯誼一下吧(其實真係唔想去, 但唔可以次次都放飛機吧...)...主力唱歌的艾菲, 是晚變了酒廊歌手, 還比同事們笑艾菲入錯行...又有人話艾菲走衛蘭路線??...無錯, 咪係新進歌手'胃炎'囉...謝謝大家的讚賞, 艾菲會試下找份part-time, 發展下酒廊歌手的事業哦...嘿嘿...原來成班同事輕鬆的玩, 感覺也不錯......希望下次大家會再多攪活動一齊輕鬆的玩哦......

玩到1點多便散場, 有的同事已經早走, 有的就轉去打麻雀...艾菲就約咗好友mark到附近的酒吧玩了一會, 3點幾回家休息......發生事後, 有時會喜歡飲酒, 是麻醉自己, 還是想逃避現實?...真的不知道......只知道飲酒後, 可以relax一下, 什麼也不用想.......不過, 今朝起身真的很累很累...又是懶洋洋的過一日.......

之前已經與同事Heinkle夾好, 所以有免費的士坐回家...真的很感動在這間公司, 可以識到沒有機心, 又待自己很好的同事們...謝謝儂......

打完波, 例牌會去茶餐廳同波友飲茶傾一陣計...今晚比較特別的是...大師兄帶咗個女仔出黎...疑是女朋友哦(都幾襯喎)...艾菲終於甩難, 不用再被誤會...可以舒一口氣了..........

今晚缺席了舊同事的dinner...希望大家唔好嬲艾菲...暫時真的不想面對太多人...sorry...請給我時間重拾自己吧......

到低還想逃避什麼?! 真的不知道...只知道每晚仍然瞓得差, 發惡夢......

下午4點與Mark一起去了楊屋街市買餸, 因為瑞午節, 實在太多人了, 逼咗好耐先買齊餸...最終5點幾先返回大窩口, 預備晚飯...分工合作, 最終煮了7餸1湯1甜品, 順利於8:30開飯(比上次早咗)...是日晚餐: 炒辣肉碎, 白切雞, 蘿蔔雞湯, 蝦醬炒通菜, 蒸魚配酸辣汁(以上由mark負責)...另外還有酸辣蝦, 煎蠔餅, 蟹粉扒豆腐 & 芋頭西米露(由艾菲負責)...謝謝sarah, vinggi, jefferey, 健仔比面出席, 特別係健仔, 謝謝你清晒d餸...謝謝大家的讚賞, 重要謝謝mark的幫手, 能夠與喜歡烹飪的人一起煮飯, 感覺很好哦...希望下次可以再攪這類活動~~ 祝各位瑞午節快樂!!

時間關係, 只影了2張相...大家忍唔住起筷了...

可以暫時忘記唔開心的事, 輕鬆與朋友們相聚, 感覺很好...謝謝大家的愛錫, 艾菲會好好的!!

尋晚應朋友MARK的應約, 去了大窩口他家作客, 因為晚上他新自下廚, 煮餐勁o既比我地食喎...當晚d餸好豐富, 以男仔黎講, MARK o既廚藝已經算好好喇, 不過大部份都係雲南口味, 比較辣...雖然佢話3:30收工, 但差唔多9點先開飯...嘿嘿...晚餐後我們一行四人去咗熊貓酒店樓下飲野...感覺很relax...這晚很開心又見到BELLA, 佢開朗的性格, 同艾菲很夾...原來佢係澳門人, 所以晚上要趕返澳門...希望下次可以再一齊出黎玩呀......謝謝BELLA請飲酒, 同埋MARK請食飯...你倆個好夾喎~~ 還是謝謝jefferey, 幫艾菲買了消夜奶醬多士...從來就有個小習慣, 飲酒後會想食多士...怪人一個......

今日收工又要趕出去...因為有得打羽毛波...雖然呢幾日都好大雨, 但總想出去打羽毛波出身汗, relax下...雖然與班波友相交不深, 但見到他們, 總會覺得很開心, 可以暫時忘記唔開心的事...今晚更開心的是見到康仔, 又可以坐順風車回家......

最近愛上自閉, 不太喜歡聽電話...除咗返工, 還有很多事項要注意準備...如果大家覺得艾菲失踪了, 請見諒...只想透過這裡告訴大家, 艾菲現在還好...只是需要很多時間去面對所有的事.......我會努力的!!

既已成定局, 唯有獨力面對......謝謝大家的關心, 往後的日子, 艾菲會努力的......

尋日自己一個留在家中, 什麼都不想了...只想靜靜的...休息......晚上煮了蕎麥冷麵 & 炒牛柳粒配西蘭花...原來很久也沒有自己煮晚餐, 還好, 沒有退步...只是忘了影相.......今日收到一個極之高興的消息, 但暫時不能公開...遲些再公佈.......為了慶祝這開心事, 今日終於出手煮甜品了...跟住magazine做的馬豆糕...其實次次煮馬豆都好似煮得唔夠淋, 今次應該ok......希望可以快些回復正常, 再煮多些不同的甜品..........

就算現在沒有人明白艾菲所做的事, 也不緊要...只要你一個認同便好了...我不介意別人當我是瘋子......這是天意吧!!

雖然最近真的有著很多不開心的回憶, 還好有你們, 令艾菲在這段日子, 未感絕望, 也不孤單......事情己經到了尾聲, 希望一切盡快的回復正常...到時艾菲會再開爐, 再為幾位好友整dessert...... Specially thanks...Ray, 魚魚, 契哥, Eric, Tim, Jessica

人生不如意事十常八九, 加上胃炎, 近日的心情跌至谷底...發脾氣過後, 發現原來只是自己太迷惘吧, 事情還沒有差到這樣...現在, 時時刻刻都緊記...*Worry gives a small thing a big shadow

(閱讀全文)

晚上與wray去了尖東利苑食晚飯, 真的好少會與朋友走入酒樓食飯, 但既然壽星仔想食, 當然無問題...經過Waitress的推介, 2個人點了3餸1湯...食咗炆龍"等"腩, 一個花膠鑲蝦膠, 同埋青菜...其實都唔記得食過D咩, 因為D名都怪怪的...只係記得個龍"等"腩好好味, 同埋個湯都ok...無食甜品, 不過覺得八百幾蚊, 好似唔太抵.......

食完飯就去睇show...3個鐘頭的David Concert全無悶場, 首首歌都超正~~ 雖然唔係對正台, 只係坐14行側面, 但都可以近距離見到陶喆, 真係好感動哦......唯一可惜係聽唔到'流沙', 只好返家聽DVD吧...希望David的新專輯快d出啦...祈待ing......

返到屋企已經過12點...時間剛好為wray送上生日cake...今次特別落重料整咗個8"blueberry cheesecake, 加埋面頭既藍苺&藍苺jam, 今次o既作品都幾滿意哦.....謝謝wray成日都帶艾菲去玩哦...wish you have a happy birthday! All the best!  Hope you enjoy the cake!

一路聽陶喆的歌, 真的很感慨...當我需要你的時候, 你去了那裡?!........

放假真開心, 尋日整日都無所事事, 主要都係食共瞓...今日下晝去了旺角買食材, 預備要整一份生日禮物...點知出面太大雨, 結果成身都濕晒......晚上因為鄭生鄭太與婆婆阿姨們出街食飯, 所以艾菲又可以煮一個人的晚餐...今晚整了煙肉腸仔忌廉汁意粉+焗雞柳...雞柳用咗少少咖喱粉, 所以都幾香...加埋粟米沙律, 簡簡單單的西餐便完成了...很滿足哦......如果第時艾菲一個人住, 唔知會唔會keep到每晚都煮飯呢?!.......

p.s. 今日又代豆豆打麻雀, 原本佢已經贏咗500幾蚊...點知打完8圈後, 居然總數贏咗$12XX...估唔到, 呢年打親麻雀都係贏...究竟係好彩, 定係唔好彩呢??............

真的很想休息...好像很久也沒有睡得好了...真的很累......今日與朋友wray去了赤柱dinner, 順便逛逛, relax一下......下午先去了stanley market逛逛, 跟住去咗一間小店食tea...坐o係長堤對住個海食tea, 感覺超正, 赤柱真係好有外國feel...2個人點了mini burger, 熱狗, 重有好味o既炸洋蔥圈 & 炸薯條+芝士...加埋waitress介紹o既la limonata, 真係perfect...(後來發現罐飲品o係Citysuper有得賣...以後飲o野又多個choice喇)........

食完tea就趕去jenny bakery買cookies(因為收6點), 買咗罐4 mix cookies比豆豆咪咪試下...艾菲從少就不喜歡吃cookies, 最初認識jenny bakery係因為o係達達舖頭, 見到個好靚o既曲奇罐(goolu罐)而試食...估唔到自己會走去買......其實這個cookies做得很鬆脆, 牛油味很濃, 都幾好味, 加上好快賣晒, 所以都幾新鮮......原來舖頭入面有菠蘿汁賣, 真係幾fresh...這間店的食品真的很好, 值得推介......其實o係赤柱真係無咩行(早知帶埋泳衣去游水啦...)...所以買完cookies無耐就去食意大利雪糕(等食dinner)...呢間小店原來有waffle杯, 加埋hazelnut ice-cream...very nice~~

左邊係艾菲的hazelnut ice-cream...右邊係wray的tofu+green tea ice-cream

晚上7點零鐘就走去mijas食西班牙菜...因為艾菲想飲cocktail, 所以order咗杯Bellini...試咗生蠔, 經waiter推介, 結果每人食咗6隻...雖然細細隻, 但真係好鮮甜...另外又試咗ham+蜜瓜, 蕃茄凍湯, 蒜茸waffle bread & 燒豬......因為之前一路係咁食(由下午到晚上), 所以食到燒豬已經好飽, 試唔到甜品, 有點可惜, 希望下次可以再試海鮮&甜品......整晚真的很開心, 因為氣氛好好, 食物全部都好好味, waiter們都很細心有禮...很滿足哦......

to: Wray...謝謝你又請食飯(雖然你可以claim數...嘿嘿)...希望你可以繼續帶艾菲去食好o野...送上艾菲日式芝士餅, 請笑納~~

尋晚開工整布甸時, 煮到一半發現唔夠雞蛋...當時已經12點幾, 都唔知點算...唯有等到第二朝百佳開門買蛋再整吧...今朝一早沖落百佳買蛋, 再整埋個布甸...入爐時, 居然倒瀉咗一半, 攪到成個焗爐都變咗粉黃色.......真係何其壯觀.......唉...洗完個焗爐都差唔多9點, 真係咩心機都無晒...唯有請sick leave, 休息一天.......雖然最終布甸都順利出爐, 可惜, 少咗一半.......今日半天都處於睡眠狀態, 到下晝4-5點就開始執衫...係時候換季了......可能因為心情麻麻, 掉咗好多衫.......

突然, 好想離開香港...去邊度都好, 好想靜一靜.........

晚上去了打羽毛球, 想出身汗...可惜大師兄不斷同艾菲搶波打...連其他波友都笑了, 笑艾菲要爭波打...其實次次都係咁...有時要對手特登打比艾菲, 好攪笑......真的很開心可以認識到這班波友, 輕鬆的打波, 感覺真好~~ 希望會長SAM繼續努力book場, 等大家每星期都有場打波!!

終於收到電話了...失去聯絡的人, 尋晚蒲頭了...可惜, 事情並未解決...究竟重要攪到幾時...每次都有被耍的感覺...失望了, 真的失望.........等...寂寞到夜深...夜已漸荒涼...夜已漸昏暗.........很久以前已經喜歡這首歌詞, 還記得是看'聖誕快樂'時聽到的...聽到這歌, 有時會感觸落淚......可以流淚, 也一種舒發吧.......

整晚都只係瞓咗2粒鐘...眼光光, 等天光......

今日約了朋友仔Wray, 晚上去了九龍站圓方睇戲&食飯...第一次去圓方, 感覺很舒服, 都幾似IFC, 絕大部份都係名店...雖然只係行咗一陣, 但很喜歡看店舖的window display, 感覺好正...不過搵o野食就差d, d食店分佈得太散了......晚餐選了戲院附近的HUST食越/泰菜...點了大蝦柚子沙律, 炒通菜, 椰香雞湯, 三味魚, 豬仔骨 & 蘭香燒雞...飲品艾菲點了一個菠蘿特飲, 感覺很fresh...整體都幾好食, 尤其係柚子沙律...因為有戲飛會有85折, 所以都ok抵食......同場重見到某女artist&佢工程師男友...睇樣真係唔似近50歲喎...見佢地飲晒wine咁, 唔知附近有無狗仔隊影相呢?!......

今晚睇o既係10,000 BC...其實套戲都ok, 只係劍齒虎戲份太少喇...其實一開始影長毛象o個part係好正...但後來個感覺就變咗長征feel, 又唔同晒...btw, 又係一個英雄故事. 都無乜悶場, 可以一睇......睇完戲出黎, 先發現原來艾菲同黃德斌一齊睇戲哦...呵呵呵, 真人真係幾man喎...原來圓方都幾多artist去...不過真係唔太方便...坐的士走都行咗好耐先去到的士站...重要無乜車...不過個影院超正, 所以都值得去o既~~

p.s. Thanks wray again~~ wish you enjoy my chocolate muffins!!

BTW, 2晚的忙碌, 真的要謝謝幫忙的朋友...
jefferey, 其實坐你架車都幾安全, 只係艾菲真的不喜歡坐motor bike吧...
Mr. & Mrs. Siu, 你們的幫忙, 真的令艾菲很感動...雖然最終都沒有與2位見面...
希望你們會喜歡艾菲造的鳯梨酥...只是點點心意...請笑納!!